MKDNews.com

Еден од најдобрите фудбалери на сите времиња, Аргентинецот Диего Марадона уште еднаш гo критикуваше сонародникот Лионел Меси, велејќи дека ѕвездата на Барселона не е фудбалски бог.

Hапаѓачот на Барселона, Лионел Меси

„Меси е сосема поинаков играч кога го носи дресот Барселона, во споредба со аргентинската репрезентација.

Вистинскиот Меси игра само за Барселона. Меси е одличен фудбалер, но тој не е вистински лидер“, рече Марадона во интервју за „Фокс спорт“.

Марадона истакна дека се бескорисни обидите да се направи лидер од некој што пред почеток на натпревар оди во веце и по 20 пати.

Меси во текот на кариерата неколкупати има повратено за време на натпревар, а некои од аргентинските медиуми пишуваат дека тоа знае да му се случи и пред натпревар.

Пред неколку години, неговиот татко изјави дека причината за тоа е стрес и желудочни проблеми.

„Некој кој толку многу пати оди во веце пред натпревар, не може да биде лидер“, истакна Марадона.