MKDNews.com

По речиси едномесечната потрага по ново лого во која секојдневно беа менувани 29 фотографии на почетната страна на Yahoo, компанијата конечно го претстави новото лого. Компанијата во изминатите 30 дена под мотото „30 дена промени“ работеше на своето ново, а сега веќе актуелно лого. Новото лого веќе го замени претходникот и се појавува на сите страни во сопственост на Yahoo. Редизајнираното лого не е кој знае колку подраматично од претходното, можеби е само почисто и потенко, и најверојатно нема да биде кој знае колку забележано од посетителите на Yahoo сервисите. Подолу е видеото со кое Yahoo го објаснува процесот на креирање на логот.

„Сакавме лого кое ќе остане верно на корените на компанијата (каприциозно, виолетово, со извичник), но и да ја означува еволуцијата на нашите продукти.“, објаснува Yahoo.