MKDNews.com

Авион од типот „Цесна 173“, во кој имало група од четворица пилоти- аматери од Израел, падна на спортскиот авион Стенковец

Според првичните информации, лицата се во добра здравствена состојба. По нивно барање била повикана брза помош, а потоа биле однесени во болницата „Систина“. Како што рече директорот на спортскиот аеродром Стенковец, Дејан Саздовски, во авионот била група од четворица пилоти- аматери, кои втор пат доаѓаат во Македонија, дојдени од  Израел, преку островот Самос во Грција, на аеродромот „Алескандар Велики“.

– Околу 15 часот и 55 минути, во текот на денешниот ден, при слетување на авионот „Цесна 172“, со израелска посада, се случи инцидент на спортскиот аеродром Стенковец. При слетувањето, авионот е сериозно оштетен. За среќа, лицата немаат сериозни повреди и на нивно барање се однесени во болницата „Систина“.

 Причините за несреќата засега се непознати- вели Саздовски.Од „Систина“ велат дека на лицата им биле нанесени лесни телесни повреди и пуштени се на домашно лекување.Причините за несреќата ќе ги утврдува Агенцијата за цивилно воздухопловство и Комитетот за инциденти.