MKDNews.com

Американецот Џејсон Мортенсен отишол во болница на операција, а кога се разбудил неговата сопруга Кендис била покрај креветот.

“Ајде, јаде бисквити, ќе бидам тука”, му рекла таа, а тој, збунет од анестезијата, се воодушевил од “непознатата убавица”.

“Тебе те испрати докторот? Ти баш си празник за очи! Манекенка си? Како се викаш?”, почнал да се распрашува Џејсон. “Јас сум Кендис, твојата жена”, му рекла таа низ насмевка.

Реакцијата на Џејсон, кога сфаќа дека “авионот” од женска му е жена, веќе шест години, е непроценлива. „Ова е исто како да сум добил седмица на лото„ вели Џејсон

“Ова е петта операција која ја правам за шест години брак. Таа е љубовта на мојот живот. Признавам дека апсолутно не се сеќавам на ова случување”, напиша Мортенсен покрај видеото на YouTube.

Видеото е старо само десетина дена а веќе има повеќе од 4 милиони прегледи. Погледнете го и вие.