MKDNews.com

Несреќна приказна на еден патник од Скопје ,доживеал вистинско патешествие со „Галеб Охрид“

септември 07
22:08 2013

Студентот од Скопје кој посакал да остане анонимен моментално се уште се наоѓа на автопатот Охрид-Скопје, поточно кај селото Сливово и како што вели тој се смрзнува и чека во таа темница поради грешка и невнимание на охридската автобуска копманија, како што објаснува самиот тој, пишува Пулс 24 .

Неговото патешествие започнало на автобуската станица во Охрид кога отишол да си купи карта на релација Охрид-Скопје. Бидејќи од лични причини тој морал да биде кај селото Сливово кое е на половина пат меѓу Охрид и Кичево.

Неколкупати прашал дали автобусот ќе застане кај селото Сливово доколку тој чека на автопатот, по што добил потврден одговор дека автобусот кој тргнува од Охрид кон Скопје во 17:45 часот со сигурност ќе застане кај Сливово и тој ќе биде безбедно сместен во автобусот бидејќи со купување на картата тој е регистриран во листата на патници.

Патникот кога го здогледал автобусот почнал да дава сигнал и да мавта дека е тука, но автобусот само го одминал. Загрижениот патник веднаш се јавил на охридската автобуска станица да каже што се случило при што наишол на навистина недолично однесување на некој од вработените и по неколку минутното карање и викање по телефон конечно добил одговор дека ќе дојде бугарски автобус во 19:30 часот и ќе го собере за накај Скопје.

Новинар на Пулс 24 се јавил во оваа охридска автобуска станица да ја потврди информацијата на гневниот читател им било кажано дека патникот не може да бара да биде „собран“ со автобус кој вози порано, доколку има купено карта за автобусот во 19 часот.

Сепак, патникот решил да приложи доказ и да посочи дека компанијата не е во право и дека некогаш навистина не се грижи за своите патници, бидејќи како што може да заприметите и од фотографијата, патникот си има купено карта за тој автобус од 17:45 часот.

Со оваа необична и несреќна случка на овој студент од Скопје само се покажува дека некогаш некои компании не се грижат за своите клиенти. Патникот јасно прашал дали овој автобус ќе помине од селото Сливово, при што добил потврден одговор дека ќе помине и тој ќе биде собран од оваа дестинација. Доколку тој добил негативен одговор дека сепак треба да биде на автобуската станица во Охрид, самиот патник изјави дека ќе бил на автобуската и ќе се качел во автобусот како и останатите патници ,пишува Пулс 24
galeb-karta

0 Comments

No Comments Yet!

There are no comments at the moment, do you want to add one?

Write a comment

Only registered users can comment.