MKDNews.com

Над 500 лица прогласени за исчезнати во поплавите во Колорадо

септември 15
14:40 2013
фото cnn

фото cnn

Над 500 лица се прогласени за исчезнати во американската држава Колорадо, каде поплавите предизвикани од поројните дождови, однесоа најмалку пет жртви.

Последната регистрирана жртва е жена, однесена од течението на реката во градот Боулдер, соопштија локалните власти. Во четвртокот во градот беа откриени тела на тројца загинати, а во петокот – на четвртото загинато лице.

Во државата Колорадо е прогласена вонредна состојба, а метеоролошките служби прогнозираат дека дождовите ќе продолжат и во наредните неколку денови, што го отежнува пристапот на спасувачките служби до најизолораните реони.

Службите за цивилна заштита располагаат со поддршка на спасувачките екипи од доброволци и воздушен транспорт.

130913120604-01-colorado-floods-0913-horizontal-gallery

фото cnn

Снимките направени од хеликоптер, покажуваат дека градовите Џејмстаун, Лајонс и Лонгмонт се претвориле во острови. Многу села во планинските реони на запад се целосно изолирани и без вода за пиење.

0 Comments

No Comments Yet!

There are no comments at the moment, do you want to add one?

Write a comment

Only registered users can comment.