MKDNews.com

20 години Македонски полициски синдикат

септември 13
15:39 2013

KlimovskiМакедонскиот полициски синдикат одбележува 20 години од своето постоење. По тој повод деновиве во Охрид полициските службеници ќе ги соблечат униформите и ќе си ги одмерат силите во 8 спортски дисциплини.
Синдикатот воедно е домаќин на Конференција на Извршниот Комитет на Советот на европските полициски синдикати а ќе се одбележат и 25 години од постоењето на Европскиот полициски синдикат. – Оваа конференција ќе биде добра прилика за размена на компаративни исксутва, за согледување на проблемите со кои се соочуваат нашите колеги низ Европа но и за градење на натамошни стратегии за дејствување, вели Тихомир Климовски претседател на Македонскиот полициски синдикат.
Разговорите со синдикатот не секогаш биле лесни, но после образложување на аргументи и факти се изнаоѓало најдоброто решение за вработените во МВР, подвлече Гордана Јанкуловска министер за внатрешни работи.
– Се надевам дека и во периодот што следува дијалогот како што е овој на МВР и македонскиот полициски синдикат, социјалниот дијалог ќе продоли во инетерс на вработените во МВР , во интерес на подигнување на професионалните стандарди и во интерес на државните интереси на Р Македонија, вели Јанкуловска.-

– Јас мислам дека во Македонија добро се работи дека има добра соработка меѓу синдикатот и министерството. Тоа го покажа и присуството на министерката денес овде, значи дијалогот е на високо ниво. Тоа сакаме да биде така и во другите земји кои немаат вака добра соработка, истакна Бранко Прах претседател на Европски полициски синдикат.
Советот на Европски полициски синдикати е асоцијација која опфаќа 22 полициски синдикати од 21 Европска држава во кои членуваат над 350 илјади полициски службеници од Европа.

 

0 Comments

No Comments Yet!

There are no comments at the moment, do you want to add one?

Write a comment

Write a Comment