MKDNews.com

Австралиски бејзбол играч Крис Лејн бил ладнокрвно убиен од страна на тројца американски тинејџери додека го го имал својот утрински кондициски тренинг.

Ужасното злосторство се случило во гратчето Данкан во Оклахома, каде што дваесетогодишниот Лејн бил на стипендиска програма за бејзбол. Крис тргнал на утринско трчање, но назад не се вратил зашто тројца тинејџери, на возраст од 15, 16 и 17 години го застрелале со пиштол од автомобил во движење и тргнале да ја бараат следната жртва.

„Лејн одел да џогира и минал крај куќата каде што се наоѓале тројцата тинејџери. Тие го одбрале како мета, седнале во автомобил, го прателе, му пришле од зад грб и го убиле со пиштол со мал калибар. Мислиме дека тројцата имаше желба да влезат во историјата како големи сериски убијци зашто по тоа убиство, тргнале да бараат нова жртва. Ако не ги најдевме навреме, се плашам дека ќе имаше уште жртви. Едно од момчињата ни рече дека им било досадно и дека немале што да прават. Затоа одлучиле да убијат некого“, изјави Дени Форд, шефот на полицијата во Данкан.