MKDNews.com

Три Албанки и една Косоварка откриени во ноќен бар во Велешта

август 19
12:56 2013

tanc6Четири странски државјанки се затекнати со непријавен престој во струшкото село Велешта во рамките на акцијата што викендов заеднички ја реализираа полициските службеници од СВР Охрид и граничната полиција од регионалниот центар Запад.

Станува збор за лицата И.Б. (24) А.И. (27) М.Б. (30) од Република Албанија како и М.С. (34) од Косово кои биле затекнати во хотелот „Јони“ во Велешта по што, согласно законот за странци им е поднесена прекршочна пријава. Изречена им е парична казна од 300 евра и забрана за влез во Република Македонија во времетраење од шест месеци до една година. Странските државјанки во хотелот извесно време работеле како естрадни уметнички и имале нелегален престој со што извршиле злоупотреба на туристичкиот престој во Република Македонија за нелегална работа.

Ваква акција беше реализирана и минатиот викенд во Кичево кога при контрола на угостителскиот објект „Стара централа“ со нелегален престој и нелегална работа беа затекнати две државјанки од Република Србија. По поднесената прекршочна пријава нив им е изречена парична казна и забрана за влез во Република Македонија за време од една година.

Инаку викендов во координација со инспекторатот за животна средина, СВР Охрид изврши контроли и низ угостителските објекти во Охрид. Притоа не се констатирани прекршоци за гласна музика, присуство на малолетници во локалите и точење алкохол на малолетни лица.

0 Comments

No Comments Yet!

There are no comments at the moment, do you want to add one?

Write a comment

Only registered users can comment.