MKDNews.com

Полковникот Гадафи нарачувал киднапирање на девојки кои потоа ги држел како сексуални робинки. Девојката по име Сораја, била киднапирана кога имала 15 години и цели пет години била затворена во подрумот на неговата со километри долга тврдина недалеку од главниот град Триполи. Речиси секој ден била силувана, претепувана и малтретирана, а била приморана и да гледа кога тоа им го правел на останатите девојки и момчиња. Оваа и слични приказни се поместени во книгата „Харемот на Гадафи:Приказната на младата девојка и злоупотребата на моќта во Либија“, која ја напишала француската новинарка Аник Којеан, од „Ле Монд“.

Откако е објавена во Франција продадена е во повеќе од 100.000 примероци, а следниот месец ќе биде објавена и на англиски јазик.

Според истрагата на новинарката, телохранителките со кои бил опкружен биле негови љубовници и не знаеле да ракуваат со оружје. Тоа и го кажала Сораја, која во 2004 година го посетила Гадафи во рамките на наставата и имала прилика да му врачи букет. Во книгата се поместени и разговори со жената која ги превезувала девојките до комплексот на Гадафи, како и со други жртви.

Којеан во книгата наведува дека Гадафи силувал и жени на странските дипломати, но не, како што пишува затоа што му се допаднале, туку за да ги понижи нивните мажи.