MKDNews.com

Свечено отворен Турнир во стрелаштво во Охрид (фото)

август 10
20:23 2013

Во Охрид денес свечено беше отворен  Турнирот во стрелаштво, на стрелиштето „ Бејбунар“. На присутните им се обрати советникот Климе Шешо кој порача дека  турнирот по повод Илинденските празници , што го организира Општинскиот стрелачки сојуз е продолжување на успешната  повеќедецениска  традиција на развојот на овој спорт во Охрид .

DSC07363

Фото Охрид1

– На овој турнир , заедно со вашите пријатели од клубовите од Република Србија и Република Бугарија  , ќе имате можност а ги одмерите силите и да поставите нови рекорди. Охрид е древен град ,  во кој 7 илјади години  континуирано се одвивал организиран живот на човекот , град кој заедно со Охридското Езеро е на листата на УНЕСКО  како  светско,  заштитено културно и природно  наследство. На овие простори, низ милениумите , сите цивилизации  оставале свои  траги , врз кои  и нашата генерација со многу проекти сака да остави белег  во богатата историја на овој древен град – рече во обраќањето Шешо.

DSC07361

Фото Охрид1

 

– Охрид е најразвиениот туристички и културен центар во Република Македонија и најпознат  македонски бренд во регионот , Европа и светот . Ние како локална власт  , постојано се стремиме  да го задржиме и унапредиме овој статус , со развој и на другите стопански сектори , културата и спорт . Како одговорна  локална власт , сме определени да го подржуваме и развојот на стрелаштвото , еден од најтрофејните спортови во Охрид. На тоа не обврзуваат преполните витрини  со медаљи  освоени на домашни и големи меѓународни натпревари , но и  реализацијата на нашата определба , да создадеме услови , со спорт да се занимаваат што поголем број млади луѓе – подвлече тој.

DSC07359

Фото Охрид1

– На крајот , наискрено ви  посакувам  да имате остро око и мирна рака  и многу погодоци во целта . Покрај спортските  натпревари, слободното време искористете го за дружење со  вашите пријатели , кои се надевам , кога ќе се вратат во своите домови , со себе ќе понесат барем дел од убавата охридска приказна – рече Шешо.

(ohrid1.com)

0 Comments

No Comments Yet!

There are no comments at the moment, do you want to add one?

Write a comment

Only registered users can comment.