MKDNews.com

Пронајдени двете момчиња кои беа изгубени во Охридското езеро

август 01
10:01 2013

Полицијата утрово ги пронајде двете момчиња, кои беа изгубени во Охридското езеро. После осум часовна потрага утрово околу 5 часот патролата на полицијата во која беа вклучени и цивилни бродови успеаа да ги најдат неповредени момчињата кај манастирот Богородица Заумска.

Двајцата Скопјани синоќа околу 20 часот во кампот Елешец влегле во вода со гумен чамец, кој го управувале со весла. Се движеле кон длабочинита на езерото во правец на Свети Наум, а потоа им се изгубила секаква трага.
Според првичните информации едното момче имало 18, а другото 19 години.

Не се познати причините зошто влегле во езерото ноќе, кога имаше силни бранови и како се изгубиле.
Езерската полиција со два патролни чамци и цивилни бродови од синоќа го пребаруваа езерото и брегот.

0 Comments

No Comments Yet!

There are no comments at the moment, do you want to add one?

Write a comment

Only registered users can comment.