MKDNews.com

Пинк Пантер украле часовници вредни над милиони евра

август 01
09:49 2013

Двајца вооружени мажи ограбиле продавница со скапоцени часовници во францускиот град Кан чија вредност неофицијално се проценува на повеќе од милион евра. Грабежот се случува три дена откако во хотелот Карлтон беа украдени дијаманти вредни 103 милиони евра. Со оглед на тоа дека за грабежот во хотелот се осомничени членовите на бандата Пинк Пантер кои потекнуваат главно од поранешна Југославија, полицијата не исклучува можност тие да го извршиле и овој голем грабеж.

Како што пишуваат француските медиуми, вчера среде бел ден во продавницата најпрво влегол маж со очила за сонце кој во раката држел бомба, а потоа влегол уште еден со пиштол. Часовниците ги собрале за неколку минути и си заминале без истрелан куршум. Истата продавница била ограбена во февруари годинава кога крадците со себе однеле околу 150 часовници вредни милион евра. Часовниците никогаш не биле пронајдени, а ниту пак крадците.

Француската полиција се сомнева дека дел од групата која врши грабежи на луксузни продавници е и Босанецот Милан Попариќ кој побегна од затвор во Швајцарија минатиот четврток.

0 Comments

No Comments Yet!

There are no comments at the moment, do you want to add one?

Write a comment

Only registered users can comment.