MKDNews.com

За да оддадат почит на легендата на рокенролот Елвис Присли по повод 36-годишнината од неговата смрт, обожавателите од целиот свет се собраа на годишното бдеење во Грејсленд .
Илјадници фанови со запалени свеќи синоќа во тишина одеа низ Градината за медитација во Грејсленд, домот на Присли во Мемфис. Во градината се наоѓа неговиот гроб, како и гробовите на неговите мајка, татко и баба.

Секоја година обожавателите на музиката и филмовите на Присли доаѓаат во Мемфис на Елвисова недела, еднонеделна прослава на неговиот живот и кариера. Присли почина на 16 август 1977 од срцев удар после долгогодишни проблеми со алхохолот.

Бдеењата почнаа како неофицијални собири една година после неговата смрт, за подоцна да прејдат во голем туристички настан.
Песните на Елвис Присли засекогаш ќе бидат запамтени.