MKDNews.com

Во судир загина сопственик на српска телевизија и камерман (фото/видео)

јули 02
23:52 2013

Во директен судир со автобус загинаа Мишула Петровиќ, сопственик на телевизијата „Галаксија 32″ од Чачак и неговиот камерман Драгослав Јевремовиќ.

Петровиќ, познат музичар и сопственик на телевизијата и неговиот сопатник во „шкода октавија” загинале околу 15:45 часот кај Младеновац во директен судир со автобус. Вo несреќата се повредени пет патници и сите се згрижени во белградскиот Ургентен центар.

Несреќата се случила откако „шкодата” неочекувано преминала во спротивен правец и се забила во автобусот кој сообраќа на релација Младеновац-Белград.

-Ударот беше толку силен што „шкодата” е потполно уништена и дојде до мал пожар во пределот на моторот. Погледот беше морничав бидејќи луѓето во автомобилот беа многу повредени, вели еден очевидец за српски „Курир”.

Петровиќ се наоѓал на местото совозач во „шкодата” и тој од здобиените повреди починал на лице место. Тешко повредениот камерман од уништениот автомобил го извлекле пожарникари, а им подлегнал на повредите во возилото од Итната помош, на пат кон белградскиот Ургентен центар.

0 Comments

No Comments Yet!

There are no comments at the moment, do you want to add one?

Write a comment

Only registered users can comment.