MKDNews.com

Штрајк на приватните телевизии во Грција

јули 19
21:18 2013

Приватните телевизии во Грција прогласија 24-часовен штрајк во знак на солидарност со отпуштените работници од државната радиотелевизија ЕРТ, кои повеќе од еден месец ја држат окупирана зградата на медиумот и емитуваат вести преку интернет.

За време на штрајкот телевизиите во Грција нема да емитуваат програма во живо, туку само забавни емисии и филмови.

Пратениците вчера ги отфрлија предлозите на главната опозициска партија СИРИЗА за формирање комисија, што ќе ја разгледува одлуката за затворање на ЕРТ на 11 јуни.

Заменик-министерот за култура, кој од Владата доби дополнителна надлежност над јавните медиуми, Панделис Капсис, изјави дека за неколку денови ќе биде објавен конкурс за првите 500 работни места во новиот медиум, во кој ќе има 2.000 вработени.

0 Comments

No Comments Yet!

There are no comments at the moment, do you want to add one?

Write a comment

Only registered users can comment.