MKDNews.com

Киднаперот од Кливленд заминува на доживотна робија (видео)

јули 27
07:28 2013

Ариел Кастро од американската сојузна држава Охајо, обвинет за силување и држење во заробеништво три девојки во својот дом, постигнал договор со обвинителите.
Врз основа на договорот, Кастро ќе биде осуден на доживотна робија без можност за кауција и со дополнителна казна од околу 1.000 години затвор, соопштил судијата во Кливленд.
ariel-dozivotna-kaza-kuka

Кастро беше уапсен во мај оваа година, откако една од жените кои што тој цела една деценија ги држел заробени, успеала да побегне од куќата во Кливленд и да повика помош.

„Никогаш нема да излезеш, јасно ли ти е тоа?“, изјавил судијата, на што Кастро само дал потврден одговор. Според условите од договорот за признавање на вината, имотот на Кастро и сите останати средства ќе му бидат одземени.

Во согласност со договорот, Кастро сега е заштитен од понатамошни обвиненија и од барањето за пресуда на смртна казна. Монструмот од Кливленд во периодот од 2002 до 2013 година заробени ги држел Мишел Кнајт, Аманда Бери и Џина ДеХесус, притоа злоставувајќи ги психички и физички, а со едната од нив тој има и шестгодишна ќерка.
devojkite-
Според собраните информации, монструмот неколку пати предизвикал останатите девојки да ги загубат плодовите кои што биле резултат на неговите сексуални злоставувања над нив, во подрумот од неговата куќа.

 

0 Comments

No Comments Yet!

There are no comments at the moment, do you want to add one?

Write a comment

Only registered users can comment.