MKDNews.com

Српскиот тенисер Новак Ѓоковиќ в недела ќе го игра своето второ финале на Грен Слем „Вимблдон“ откако предмалку, по голема борба, го победи Хуан Мартин дел Потро (Аргентина) со 3-2 во сетови.

Во првиот сет Ѓоковиќ го доби 12.от гем кога и направи брејк на сервис на противникот и го доби сетот со 7:5. Во следниот сет при 3:2 во гемови за Србинот, тој не искористи четири брејк топки, а потоа Дел Потро направи брејк во следниот гем за водство од 4:3 и го доби сетот со 6:4.

Аргентинскиот тенисер во третиот сет спаси три сет топки при 6:5 за Ѓоковиќ, но Ѓоковиќ беше поуспешен во тај-брекот кој заврши со 7:2 во негова корист за водство од 2-1 во сетови.

И во четвртиот сет решаваше тај-брекот. Дел Потро спаси две меч топки, а потоа го доби тај брекот со 8:6.

Во решавачкиот петти сет Ѓоковиќ направи брејк во осмиот гем и поведе со 5:3, за потоа да го искористи и својот сервис за конечна победа.

На централниот терен на „Вимблдон“ веќе се подготвуваат Британецот Енди Мареј и Полјакот Јиржи Јанович кои ќе го играат второто полуфинале.