MKDNews.com

Оваа есен во регионот ќе започне да се емитува една од најпопуларните музички емисии во светот „Икс фактор“, што ќе се прикажува во Србија, Црна Гора, Босна и Херцеговина и во Македонија

На официјалната Фејсбук страница : Икс фактор Адриа, неодамна беше претставена и листата на градови во кои ќе се одржат аудициите, а тоа се : Белград, Нови Сад, Ниш, Будва, Бања Лука, Сараево и Скопје.
Предаудициите во сите градови ќе траат по еден ден, освен во Белград каде што ќе траат три дена. Првата е закажана за 20-ти август во Будва, последната ќе се одржи на 2-ри септември, а потоа ќе следи снимањето на аудициите. Точните термини ќе бидат објавени наскоро.
Кандидатите кои ќе одат понатаму, од 6 септември ќе ги снимат своите аудиции во студиото на телевизијата Пинк. По аудициите, натпреварувачите се делат во четири групи: на секоја од нив им припаѓа по еден ментор, односно член од жирито. Следната рунда на натпреварување ќе биде во куќите на менторите – кандидатите кои ќе ја поминат и оваа фаза ќе продолжат и во последниот круг од „Икс фактор“, а тоа се емисиите во живо од кои секоја недела ќе испаѓа по еден натпреварувач.
Сите заинтересирани можат да испратат СМС порака на бројот 141391 со следната содржина:X_име и презиме_години_град_солист/група (цена на СМС – 41,30 денари)
Првата епизода ќе се емитува на 14 октомври, а емисиите во живо ќе започнат од 19 ноември. „Икс фактор“ во Македонија ќе се емитува на телевизијата Сител.