MKDNews.com

Рано утринава имало повторен обид да се запали ЛГБТ-центарот, лоциран во Старата скопска чаршија, при што бил оштетен покривот на објектот.

Хелсиншкиот комитет ја поздрави одлуката на Основниот суд 1, со која 14 обвинети од протестите на 2 Март, добија затворски казни од вкупно 12 години. Осудените на затворски и условни казни, покрај нередите кои ги предизвикаа на Бит пазар, ја нападнаа и подружницата на Хелсиншкиот комитет – ЛГБТИ Центар за поддршка, при што причинија материјална штета.

ЛГБТ центарот беше нападнат уште двапати за време на одржување на „Неделата на гордоста“, како и денеска, кога во раните утрински часови имаше обид за предизвикување пожар. Од Хелсиншкиот комитет поседуваат снимки и од овие настани.