MKDNews.com

Утре започнува Фестивалот на Францускиот филм

јуни 25
12:17 2013

katalogШестото издание на фестивалот на францускиот филм годинава ќе се одржи во Скопје и во Охрид.Свеченото отворање ќе биде на 26 јуни во киното “Синеплекс” во Скопје.

Охридскиот дел на фестивалот ќе биде отворен на 28 јуни со проекцијата на драмата „По мај“ на режисерот Оливие Асајас, во Центарот за култура „Григор Прличев“. Во рамки на програмскиот дел фокусиран врз аудио-визуелното творештво на регионот Долна Нормандија ќе бидат прикажани три краткометражни филма, и тоа „Светот наопаку“, „На работ“ и „Кабар“, а за првата фестивалска вечер е предвидена уште и проекцијата на долгометражниот филм „Ангела и Тони“ на режисерот Аликс Делапорт.

За вториот фестивалски ден 29 јуни предвидени три проекции на филмовите „Машкуданка“ на режисерот Селин Шјама, „Во куќата“ на Франсоа Азон и „Младешка љубов“ на Миа Хасен-Лов.

Последниот ден на фестивалското издание резервиран за проекцијата на два филма и за прогласувањето на овогодинешниот победник. Прво на програмата е проекцијата на филмот „38 сведоци“ во режија Лука Белво, за фестивалот да биде затворен со биографскиот филм „Последната изборна кампања“ на режисерот Бернар Стора, кому ќе му биде врачена Почесната награда „Златна маска“.

0 Comments

No Comments Yet!

There are no comments at the moment, do you want to add one?

Write a comment

Write a Comment