MKDNews.com

Рускиот претседател Владимир Путин денеска го потпиша контроверзниот закон кој предвидува казни за „хомосексуална пропаганда“.

Со законот предвидена е казна до 200.000 рубљи (6.700 долари) поради „пропагирање на нетрадиционални сексуални односи“ меѓу малолетниците, преку медиумите и интернет.

Предвидено е да се казни пропагандата која може кај младите да доведе до „искривено разбирање“ дека хомосексуалните односи и хетеросексуалните односи се „општествено еднакви“, се наведува во образложението на законот.

Странците ќе добијат парична казна и административен притвор со можност за депортација. За организациите кои ќе го прекршат може да се соочат со казна од 1 милион рубљи и забрана на нивните активности во рок од 90 дена.

Критичарите велат дека законот е хомофобичен и толку неодреден што неизбежно ќе се користи произволно и ќе поттикне омраза и насилство против хомосексуалците.