MKDNews.com

Синоќа во Белчишта (Општина Дебарца) беше отворена 29-та ликовна колонија “Дебарца 2013”,традиционална ликовна манифестација со голем углед во земјава,па и пошироко.

Oваа реномирана ликовна колонија која е со децениска традиција за отворена ја прогласи градоначалникот на Општина Дебрца Игор Трајкоски кој во своето обраќање истакна дека долгата традиција на колонијата и нејзиното високо реноме обврзува кон неа да се однесуваме со поголема одговорност, а меѓународниот карактер на истата пак отвора шанси, малата рурална општина да се претстави пред светот. На годинешната колонија ќе творат 12 уметници од 4 земји. Тие во Дебрца ќе останат 10 дена, а нивните дела потоа ќе бидат изложени во галеријата на општината. По церемонијата на отворање беше изведен мал перформанс со традиционалната гајда.