MKDNews.com

Општина Илинден објави оглас за продажба на 22 парцели наменети за изградба на станбени куќи по пат на електронско јавно наддавање. Површините се различни од 378 до 614 метри квадратни. Почетната цена е 148 денари по метар квадратен со чекор на надавање од 15 денари.

Пријавувањето за учество во електронското јавно наддавање за новите 22 парцели е до 16 јули, а јавното наддавање ќе се одржи на 22 јули. Градежните парцели се наоѓаат во новата населба „Јака“, која се наоѓа на само10 километри од центарот на градот Скопје, се простира на површина од 28 хектари и опфаќа вкупно 500 парцели за изградба на семејни куќи, трговски центар, хотелско сместувачки капацитети, забавен парк, спортски терени и простор за собири.

Во претходните два месеца, на електронско јавно наддавање Општина Илинденпонуди 70 парцели наменети за изградба на станбени куќи за индивидуално домување, а во подготовка се уште 150 парцели, со површина од 400 до 500 м2за продажба во третиот квартал годинава.