MKDNews.com

Голем интерес кај учениците за запишување во средното стручно училиште „Илинден“ во Општина Илинден

јуни 24
16:46 2013

Во средното стручно училиште „Илинден“ денеска почна првиот уписен рок. Полуматурантите денеска и утре ќе се запишуваат во две паралелки за електротехничка струка во учебната 2013/2014 година.
Уште во раните утрински часови голем беше интересот за двете нови паралелки кои ќе започнат да се изучуваат од септември. Учениците велат дека изборот го направиле тука бидејќи информатиката им е омилен предмет и токму својот напредок го гледаат во таа област и се надеваат дека по завршување на образованието лесно ќе најдат работа. Среќни се што своето образование ќе го продолжат близу до местото на живеење и нема да патуваат до другите населби, притоа да заштедат на време, а нивните родители да заштедат на финансиски средства.P1200746
Согласно Конкурсот за запишување на учениците во јавните средни училишта за учебната 2013/2014 година издаден од Министерството за образование, во средното стучно училиште „Илинден“ ќе се запишат 68 ученици за електортехничка струка. Од нив половина ќе можат да се запишат во паралелката за електротехничар за електроника и телекомуникации и 34 ученици за електроничар за компјутерска техника и автоматика.
Изборот на насоките што ќе се реализираат во новото средно училиште е резултат на успешната соработка на локалната самоуправа и бизнис секторот во Општината. По сеопфатната анализа за потребите од соодветни кадри за стопанството во Општината произлезе изборот на средното училиште кое ќе профилира кадри кои што веднаш по завршувањето ќе бидат оспособени да се вклучат во производствените процеси. Оваа практика од поодамна позната во светот, за прв пат во нашата земја се применува токму во Општина Илинден, благодарејќи пред се на добрата соработка на локалната самоуправа со бизнис заедницата.

Општина Илинден
Одделение за поддршка на Градоначалникот

0 Comments

No Comments Yet!

There are no comments at the moment, do you want to add one?

Write a comment

Only registered users can comment.