MKDNews.com

Бесими му одговори на Милошоски

јуни 28
03:50 2013


Процесот на зачленување на Македонија во евроатлантските организации е стратешки процес на државата која ја има поддршката од мнозинството граѓани на Република Македонија, напиша вицепремиерот Фатмир Бесими на својот Фејсбјук профил. Со ова Бесими му одговори на Антонио Милошески кој утрово изјави дека Бесими треба да поднесе оставка.

-Ние сите заедно како општество мора да изградиме волја и да вложиме напори за целосно да ја интегрираме нашата држава во ЕУ и НАТО. Ние имаме обврска на сите области значајни за овој процес да покажеме напредок, и за тоа институциите и партиите треба да преземат одговорност и сопственост над процесот и потребните реформи. Во таа смисла, прашањето за името е исклучително важно и за него мора да покажеме посветеност и напредок. Наша обврска е паралелно, да работиме и на сите останати потребни реформи и да ги спроведеме што побрзо и поквалитетно, за пристапниот период да го скратиме што е можно повеќе. На крајот, по овие прашања не смееме да си дозволиме да се однесуваме пасивно, емотивно или дневно политички зошто тие преставуваат стратешки приоритет на сите граѓани на РМ, вели Бесими на својот Фејсбук профил.

0 Comments

No Comments Yet!

There are no comments at the moment, do you want to add one?

Write a comment

Only registered users can comment.