MKDNews.com

НАСА соопшти за брзото топење на мразот на Гренланд

јули 25
18:54 2012

greenland-mraz

Ледената обвивка на Гренланд во Јули се растопила многу побрзо од очекуваното, соопшти НАСА.

Слично топење на мразот научниците немаат регистрирано во рамките на сателитските набљудувања во последните три децении. Се растопил дури и мразот на највисокото и студено место во Гренландија – во реонот на истражувачката станица „Самит“ – пренесува Би Би Си.

Топењето на мразот се набљудува на околу 97% од ледената покривка, каде областа се зголемила повеќе од двојно во последните четири дена. Иако во текот на летните месеци по правило се топи речиси половина од ледената покривка на Гренландија, брзината и големината оваа година ги зачудија научниците, кои ја посочуваат оваа појава како „вондредна“ и засега не можат да ги утврдат точните причини.

Мината недела сателитските фотографии на НАСА покажаа дека од еден од најголемите глечери на Гренланд се одделила санта мраз со големина два пати повеќе од Менхетен.

0 Comments

No Comments Yet!

There are no comments at the moment, do you want to add one?

Write a comment

Only registered users can comment.