MKDNews.com

Заев: И јас им се јавував на комичарите мислејќи дека ѕвинам кај Порошенко

Заев: И јас им се јавував на комичарите мислејќи дека ѕвинам кај Порошенко
јули 10
15:03 2019

Премиерот Зоран Заев, денеска потврди дека и тој им ѕвонел на телефон на руските комичари на чија местенка падна, затоа што мислел дека комуницира со украинскиот претседател, Петро Порошенко.

-Во таа комуникација што сме ја имале, да, можно е како што тие ме барале мене и јас да сум го барал, мислејќи дека е претседателот Порошенко – изјави Заев денеска.

На новинарско прашање кога сфатил дека е измама, тој одговори дека тоа го сфатил завчера, кога беше објавена снимката.

Премиерот рече дека нема да бара одговорност и дека ќе продолжи со телефонски разговори без посредство на владиниот протокол. Тој додаде дека за време на овие комуникации разменувал и фотографии од настани кои се случувале во Украина и во Македонија. Вели дека добивал слики од Парадата на војската, а праќал од посетата на Ангела Меркел во Македонија.

-Јас продолжувам со директни комуникации со премиери и претседатели. Комуницирам и мислам дека тоа е помош за мојата земја. Градиме пријателство, а комуникациите носат информации. Нема протокол кој мене може да ме ограничи ако сакам да ви се јавам, на премиери или кого било – рече Заев.

0 Коментари

Нема коментари!

Нема коментари во овој момент, сакате да напичите нов?

Напишете Коментар

Напишете Коментар

Напишете коментар