MKDNews.com

Фејсбук поради Кембриџ Аналитика казнет 500.000 фунти

Фејсбук поради Кембриџ Аналитика казнет 500.000 фунти
октомври 25
22:06 2018

Велика Британија го казни Фејсбук со 500.000 фунти поради неговата улога во скандалот кој избувна во врска со кражбата на личните податоци во кој беше вплеткана и британската фирма за политички консалтинг Кембриџ Аналитика, јави денеска Би-Би-Си.

Канцеларијата на Комесарот за информации заклучи дека Фејсбук дозволил сериозно „кршење на законот”.

Казната е максимално дозволената, според старите правила за заштита на податоци, кои биле во сила до стапувањето на новиот закон, ГДПР, во мај.

Канцеларијата на Комесарот за информации посочува дека Фејсбук им дозволил на програмерите да пристапат до личните информации на корисниците „без нивна јасна согласност”.

„Помеѓу 2007 и 2014 година,Фејсбук неправилно обработил лични податоци на корисниците, дозволувајќи им на развивачите на апликации да пристапуваат до нивните податоци без нивна јасна и информирана согласност и дозволил пристап дури и ако корисниците не ја преземале апликацијата, туку едноставно биле „пријатели “со луѓе кои тоа го сториле “.

„Фејсбук, исто така, пропуштил да обезбеди личните податоци да бидат безбедни, бидејќи не спровел соодветна проверка на апликациите и програмерите кои ја користеле неговата платформа”.

Фејсбук објави дека „ја разгледува” одлуката на Канцеларијата на Комесарот за информации.

„Иако, со должна почит, не се согласуваме со некои од нивните заклучоци, и претходно кажавме дека сме требале повеќе да сториме за да ги испитаме обвиненијата против Кембриџ Аналитика и да преземеме мерки во 2015 година, соопшти компанијата.

Истражувачот Александр Коган и неговата компанија ГСР користеа тестови за личноста за да соберат податоци на Фејсбук речиси на 87 милиони луѓе. Некои од овие податоци беа споделени со Кембриџ Аналитика, која ги користеше за насочено политичко рекламирање во САД.

– Дури и откако злоупотребите на податоците беа откриени во декември 2015 година, Фејсбук не направи доволно за да осигура дека оние што уште ги поседуваа да преземат соодветни и навремени мерки, вклучувајќи го и бришењето – вели Канцеларијата на Комесарот за информации.

0 Коментари

Нема коментари!

Нема коментари во овој момент, сакате да напичите нов?

Напишете Коментар

Напишете Коментар

Напишете коментар