MKDNews.com

Македонија со важна победа против Косово во претквалификациите за Евробаскет 2021

Македонија со важна победа против Косово во претквалификациите за Евробаскет 2021
септември 14
07:39 2018

Македонската кошаркарска репрезентација оствари победа со 73:76 (29:34) против Косово во првиот натпревар во втората фаза од претквалификациите за ЕП 2021 година.

Пред околу 3.000 гледачи во салата во Приштина, избраниците на Јорданчо Давитков забележаа многу важна победа, по која ќе се зголеми самодовербата на нашите репрезентативци во понатамошниот дел од претквалификациите.

Вистинска драма се одигра во последната четвртина откако на минута пред крајот нашиот тим имаше 8 поени предност (65:73) но домаќините со две тројки стигнаа на два поени негатива (71:73). Откако промашивме едно од двете слободни фрлања при следниот напад, плејмејкерот на тимот Дардан Бериша доби шанса да шутира 3 слободни фрлања на 7 секунди пред крајот, но капитенот на Косоварите беше прецизен само два пати, по што следеше фаул и две реализирани фрлања за Војдан Стојановски и конечна победа од 76:79.

Најпрецизен кај Македонија беше Бојан Трајковски со 17 поени и 11 скока, додека Дамјан Стојановски постигна 15 поени.

Кај домаќините, Бериша беше незапирлив со 32 постигнати поени. Следниот дуел за „црвено-жолтите“ е во недела, 16-ти септември кога ја пречекуваме репрезентацијата на Романија во СЦ „Борис Трајковски“.

0 Коментари

Нема коментари!

Нема коментари во овој момент, сакате да напичите нов?

Напишете Коментар

Напишете Коментар

Напишете коментар

Барај Вести