MKDNews.com

Граѓани и вечерва протестираа пред Собранието

Граѓани и вечерва протестираа пред Собранието
јуни 22
22:16 2018

Група граѓани и вечерва се собра пред Собранието за да го искаже своето несогласување со Договорот кој Македонија го потпиша со Грција за решавање на спорот со името.

Граѓаните беа собрани во помал број од обично, а протестот помина во мирна атмосфера, под силно полициско присуство.

Тие ги повторија ставовите дека за нив Договорот е штетен и спротивен на Уставот и на македонските државни интереси. Повторија дека Договорот треба да биде отфрлен и дека најавениот референдум треба да биде бојкотиран.

Ана Бобинкова Мијаковска од Граѓанската иницијатива Подем рече дека Договорот според правни експерти има фалинки и е неодржлив и оти предмет на Договор не може да биде промена на име.

– Со Уставот не е предвиден референдум на кој што би се ставило на гласање името на државата, рече Бобинкова Мијаковска.

Протест пред македонското Собрание е најавен и за утревечер во организација на група граѓани „Млади за Македонија“. Поради поставување бина пред македонското Собрание за протестот, утре ќе биде пренасочен сообраќајот во централното градско подрачје од 10 часот изутрина, соопштија од МВР.

0 Коментари

Нема коментари!

Нема коментари во овој момент, сакате да напичите нов?

Напишете Коментар

Напишете Коментар

Напишете коментар