MKDNews.com

БЕСА: Кандидатот на СДСМ е нов узурпатор на општина Чаир, добија на криминални избори (видео)

БЕСА: Кандидатот на СДСМ е нов узурпатор на општина Чаир, добија на криминални избори (видео)
ноември 13
07:27 2017

Од партијата БЕСА одржаа прес-конференција на која ги искажаа нивните ставови од денешното гласање во општина Чаир, каде што по третпат се водеше битка за градоначалничкото столче меѓу нивниот кандидат и кандидатот на ДУИ. Нивната прес-конференција ви ја пренесуваме во целост:

На почетокот сакаме да му ја честитаме победата на СДСМ во Општина Чаир. Секако, украдена победа, но ако тие и тоа го сметаат за победа, ние им ја честитаме. Во оваа прилика сакам да им испратам неколку пораки до кандидатот на СДСМ, отсега нов узурпатор на општина Чаир:

– Тој може да биде градоначалник на Чаир за СДСМ и за претседателот на СДСМ, кој до вчера ги нарекуваше сопартијците на овој кандидат криминалци и корумпирани, но не и за граѓаните на Чаир;

– Тој може да биде градоначалник за оние полицајци и мангупи поддржани од полицијата кои го блокираа влезот на зградите денес и ги спречија граѓаните да гласаат, но не и за граѓаните на Чаир;

– Тој може да биде градоначалник на Чаир за оние кои денес ги купија или насилно им ги одзедоа личните карти и пасошите на граѓаните на Чаир и ги држеа како заложници до 19 часот, но не и за граѓаните на Чаир;

– Тој може да биде градоначалник на Чаир за министерот кој рече “сакам победата во Чаир по секоја цена”, но не и за граѓаните на Чаир;

– Тој може да биде градоначалник на Чаир за поранешниот заменик-министер на ДУИ, кој нудеше по 5.000 евра за 30 гласови, но и не за граѓаните на Чаир;

– Тој може да биде градоначалникз а Миле Зечевиќ и Љубе Бошковски, но не и за граѓаните на Чаир;

– Тој може да биде градоначалник за претседателот на ДУИ, поточно на албанскиот огранок на СДСМ, кој по губењето на битката со нас во Чаир, побара помош од СДСМ, но не и на граѓаните на Чаир;

– Тој може да биде градоначалник за пратеникот на СДСМ, кој од својот штаб во стариот комплекс во Топанско Поле делеше по 2.000 денари по семејство за да гласаат, но не и на граѓаните на Чаир;

– Тој може да биде градоначалник на Чаир за занаетчијата кој има работилница во населбата кај зградите во Чаир, кој заедно со неговите двајца другари имаа задача да прошверцуваат стотици дупликати гласачки ливчиња, но не и за граѓаните на Чаир;

– Тој може да биде градоначалник на Чаир за дебелиот црномурест активист од уличката “Пере Тошев”, кој пред две недели купи повеќе од 800 ромски гласови во Топанско, но не и за граѓаните на Чаир;

– Тој може да биде градоначалник на Чаир за тој што продаде 12 гласа за 8.000 евра, но не и за граѓаните на Чаир;

– Тој може да биде градоначалник на Чаир за оние кои, како аналитичари, не оставија клевета што не ни ја прилепија, но не и за граѓаните на Чаир;

– Тој може да биде градоначалник на Чаир за тие кои на најбрутален начин ја скршија лозинката на нашиот кандидат за да можат така да му помогнат на кандидатот на СДСМ, но не и за граѓаните на Чаир;

– Тој може да биде градоначалник на Чаир за тие портали кои објавуваа приватни коресподенции на нашиот кандидат, а кои “реформската власт” ги наградуваше, но не и за граѓаните на Чаир;

-Тој може да биде градоначалник на Чаир за тие од урбаната мафија, кои со него прославија под истрелите на автоматските пушки среде плоштад, но не и за граѓаните на Чаир.

– Ако на него и на неговиот претседател, значи на премиерот, не им пречи да бидат вакви во Чаир, нека им биде на чест оваа победа!

0 Коментари

Нема коментари!

Нема коментари во овој момент, сакате да напичите нов?

Напишете Коментар

Напишете Коментар

Напишете коментар

Барај Вести

Facebook Auto Publish Powered By : XYZScripts.com