MKDNews.com

АЛО: Советникот на Заев крадел ќебиња од трговски центар

АЛО: Советникот на Заев крадел ќебиња од трговски центар
август 11
09:31 2017

Зоран Башановиќ, советник на премиерот Зоран Заев бил уапсен на Флорида поради кражба на ќебиња и облека во трговски центар, пишува српскиот весник „Ало“.

„Ало“ ексклузивно дошле до извештајот на американската полиција во којшто се наведени деталите за апсењето.

Како што стои во извештајот од 27 декември 2012 година, заедно со Башановиќ уапсена била и неговата сопруга Бојана, а  најбизарно од се е тоа што познатиот бизнисмен, естраден менаџер и сопственик на телевизија украл роба вредна само 1.050 долари, што упатува на фактот дека станува збор за клептоманија, а не за сиромаштија, пишува „Ало“.

Во извештајот полицаецот Ешли Елис ги известува претпоставените за постоењето на снимки од безбедносните камери кои му ги покажало обезбедувањето вработено во трговскиот центар.

– Зоран Башановиќ заедно со Бојана, ја бирале облеката ги отстранувале ознаките и ги криеле во вреќи за пазарење. Обвинетите и неговата помошничка излегле од продавницата и ги испразниле торбите во нивниот џип марка „мерцедес“. Сопружниците Башановиќ за целото време работеле заедно – се наведува во извештајот.

Полицијата понатаму наведува дека работникот од обезбедувањето прво го надгледувал Зоран Башановиќ и неговата сопруга како бираат неколку делови облека и ги отстрануваат ознаките.

Бојана е фатена со две торби.

Полицаецот пoнатаму наведува дека поради тоа што го фатил на дело, го запрашал Башановиќ дали може да ја добие облеката од неговото возило на што тој се согласил. – Полицаецот заедно со обвинетиот останал во канцеларија, додека само Вилијамс и јас отидовме до автомобилот на обвинетиот. Во автомобилот имаше неколку „Ралф Лорен“ ќебиња и торби за шопинг полни со гардероба од ои се отстранети ознаките. Вилијамс ја препозна својата роба која видел како обвинетите ја изнесуваат од продавницата, претходно отстранувајќи ги ознаките. Кратко потоа рекол дека ја вдел Бојана загрижена во секоторт за декорација. И пришол и ја фатил во тој сектор. Таа имала количка во која имало две полни торби со производи, без ознаки. Башановиќ и неговата сопруга се уапсени поради ситна кражба и се префрлени во полициска станица поради испитување. Потоа се префрлени во притвор.

– Двајцата ги прикриле избраните работи во бела торба за шопинг. Додека обвинетиот ја туркал количката, жената ги земала полните торби со украдени производи и излегла од продавницата, поминувајќи покрај касата без намера да ја плати украдената роба. Жената потоа се вратила во продавницата без белите торби – се вели во полицискиот извештај.
Шефот на обезбедувањето на трговскиот центар Вилијамс рекол дека обвинетиот Башановиќ и неговата сопруга по кражбата продолжиле со шопинг одвоено, со две колички. По кратко време повторно се сретнале во секторот за домашна декорација, каде земале неколку ќебиња и други работи во неклку торби.

Башановиќ потоа излегол од продавницата, поминувајќи покрај касата, без намера да ја плати робата. Шефот на обезбедувањето го следел обвинетиот до паркингот, каде го отворил багажникот на својот џип и почнал да ги става украдените производи внатре. Обезбедувањето видело и неколку торби полни со производи од продавницата, кои тој и неговата помошничка ги изнесле од продавницата.

Зоран Башановиќ на крајот на минатиот месец го прифатил местото специјален економски советник на македонскиот премиер Зоран Заев.