MKDNews.com

Мнозинството одби во Собранието да се расправа за договорот со Бугарија

Мнозинството одби во Собранието да се расправа за договорот со Бугарија
јули 15
07:48 2017

Пратениците на ВМРО-ДПМНЕ побараа од владејачкото мнозинство и Владата дневниот ред на денешната собраниска седница да се дополни со точката за увид на договорот за добрососедство меѓу Македонија и Бугарија, која не беше усвоена.

Според пратеникот Илија Димовски одбивањето на предлогот покажува дека не постои транспарентност кај новата влада и покрај најавите на премиерот Заев за отчетност и инклузивност на опозизицијата и јавноста за сите политики во процес. По говорот на Димовски, пратениците на ВМРО-ДПМНЕ во знак на протест тропаа по собраниските клупи.

„Со самото гласање против ова, покажувате дека вие сте максимално негативистички против опозицијата. Не дозволувате граѓаните да дознаат што е договорено меѓу Македонија и Бугарија. Овие три минути докажавте дека не сте транспарентни”, рече Илија Димовски од ВМРО-ДПМНЕ.

Од друга страна, министерот за надворешни работи Никола Димитров во интервју за Ројтерс  обелодени дека Македонија и Бугарија го усогласиле текстот на договорот за добрососедство чија цел е решавање на долгогодишните спорови и тензии.

Постигнавме компромис за текстот. Потпишувањето на договорот за добрососедство ќе ја зголеми довербата меѓу нас, ќе покаже дека сме сериозни и дека сакаме да создаваме пријателства во регионот – вели Димитров.

Ројтерс потсетува дека досегашните сложени односи меѓу Македонија и Бугарија ги отежнуваат напорите на Скопје да се приклучи кон НАТО и ЕУ, иако најголемата пречка за тоа е спорот за името со соседна Грција. Притоа се посочува дека договорот за добрососедство меѓу Македонија и Бугарија се очекува да биде потпишан на 2 август.

Дел од медиумите објавуваат информации  дека со цел договорoт со Бугарија да помине во земјава без последици, новата влада и Заев формираат платен список на историчари кои ќе треба да го бранат или да го премолчат договорот. Неговата содржина за македонските пратеници и јавноста останува тајна, за разлика од Бугарија каде, како што известуваат тамошните медиуми, веќе беше оценуван од комисијата за надворешни работи и е достапен за секој пратеник.

0 Коментари

Нема коментари!

Нема коментари во овој момент, сакате да напичите нов?

Напишете Коментар

Напишете Коментар

Напишете коментар

Барај Вести

Facebook Auto Publish Powered By : XYZScripts.com